ആധുനികലോകത്ത് ബ്രാന്ഡുകള് ജന്മമെടുക്കുന്നതും വളരുന്നതും വിസ്മൃതമാവുന്നതും മിക്കവാറും ചെറിയ കാലയളവിനിടക്കാണ്. വിപണിയില് അവയുളവാക്കുന്ന ചലനവും ശ്രദ്ധയും വളരെ കുറച്ചുകാലത്തേക്കാണെന്നര്ഥം. ടോക്കിയോവിലെ കസ്യൂമര് ഇലക്ട്രോണിക്സ് മാര്ക്കറ്റില് ഒരു ഡിജിറ്റല് ഉല്പന്നത്തിനു ലഭിക്കുന്ന ശ്രദ്ധയും പരിഗണനയും ഏറ്റവും കൂടിയാല് മൂന്നുമാസത്തേക്കാണെന്നു പഠനങ്ങള് പറയുന്നു. വന്കിട കമ്പനികളിലെ സി.ഇ.ഒ.മാരുടെ 'ആയുര്ദൈര്ഘ്യം' തന്നെ ഏതാണ്ട് പകുതിയായി വെട്ടിച്ചുരുക്കപ്പെട്ടിരിക്കുകയാണ്. മാറുന്ന പരിഗണനകളുടെയും ശ്രദ്ധക്കുറവിന്റെയും ലോകം അനുദിനം വികസിച്ചുകൊണ്ടിരിക്കുന്നു. ബെഡ്റൂമെന്നോ ബോര്ഡ്റൂമെന്നോ ഉള്ള വ്യത്യാസങ്ങളില്ല. പാശ്ചാത്യലോകത്ത് രണ്ടിലൊന്നു വിവാഹബന്ധങ്ങളും പരാജയമാവുന്നതിന്റെ കാരണം ലളിതമാണ് - പങ്കാളികള്ക്കിടയിലെ ശ്രദ്ധയില്ലായ്മ. പങ്കാളികളെ ശ്രദ്ധയില്ലായ്മ പ്രതിയോഗികളാക്കുകയാണ്. നമുക്ക് നമ്മോടുതന്നെ ചേര്ന്നിരിക്കാനായി ഏതാനും സെക്കന്റുകള് കൂടി മാറ്റിവെക്കാന് പറ്റാത്ത ഭീതിദമായ അവസ്ഥ. നമ്മുടെ വാഹനത്തിന്റെ അറ്റകുറ്റപ്പണിക്കായി നമുക്കു സമയം കണ്ടെത്താനാവും. ലേശം അറ്റകുറ്റപണി നട
വിജയത്തിലേക്ക് ഒരു വഴിത്താര