'ടാറ്റ എന്ന ബ്രാന്‍ഡിനെ താങ്ങിനിര്‍ത്തുന്നത് വിശ്വാസ്യതയാണ്' - കോര്‍പ്പറേറ്റ് രംഗത്തെ ഒരു യുവനേതൃനിരയെ അഭിസംബോധനചെയ്യുകയായിരുന്നു ടാറ്റാ സ്റ്റീലിന്റെ മുന്‍ മാനേജിങ് ഡയറക്ടര്‍ ഡോ. ജെ.ജെ. ഇറാനി. 'ടാറ്റാ' എന്ന പേരുതന്നെ മറ്റുള്ളവരില്‍ വിശ്വാസം ജനിപ്പിക്കുന്നതെങ്ങനെയെന്ന് സ്വാനുഭവത്തിലൂടെ അദ്ദേഹം വിശദീകരിച്ചു.
''ഞാനന്ന് വിമാനത്താവളത്തില്‍ ബാഗേജ് ക്ലിയറന്‍സിനായി കാത്തുനില്ക്കുകയായിരുന്നു. സാധാരണയായി വളരെ സാവധാനംമാത്രം നടക്കുന്ന ഒരു പ്രക്രിയ. അവിടം വിട്ടുപോവുന്നതിന് മുന്നേതന്നെ യാത്രികന്റെ ബാഗിലെന്താണെന്നറിയാന്‍ കസ്റ്റംസ് ഉദ്യോഗസ്ഥരുടെ പരിശോധനയുണ്ടാവും. ഒരാള്‍ എന്റെ ബാഗ് പരിശോധിക്കാനെത്തി. ഞാനെന്തു ചെയ്യുന്നു എന്നദ്ദേഹം ആരാഞ്ഞു. ടാറ്റയിലായിരുന്നു എന്നുമാത്രം മറുപടി പറഞ്ഞു. അദ്ദേഹം എന്നോട് കൂടുതലൊന്നും ചോദിച്ചില്ല. കടന്നുപോവാന്‍ അനുവദിച്ചു''.
ഒരു ബ്രാന്‍ഡ് ഉണ്ടാക്കിയെടുക്കുന്ന വിശ്വാസ്യതയുടെ വലിയ തെളിവാണ് ആ ചെറിയൊരു കാര്യം. അദ്ദേഹത്തിന്റെ ഭാഷയില്‍ ഒരു ബിസിനസ്സിന്റെ വിജയം നിര്‍ണയിക്കുന്നത് സമൂഹത്തിന് ആ ബിസിനസ്സുകാരനിലുള്ള വിശ്വാസമാണ്. 'ചെരിപ്പെങ്കില്‍ ബാറ്റ, ജോലിയെങ്കില്‍ ടാറ്റ' എന്ന് പലരും ഒരുകാലത്ത് പാടിനടന്നിരുന്നതും അദ്ദേഹം സ്മരിച്ചു.
ദീര്‍ഘകാലമായിവേണ്ട വാണിജ്യ-വ്യാവസായിക വിജയത്തിന്റെ ചേരുവയിലെ ഏറ്റവും പ്രധാനഘടകമായി അദ്ദേഹം കാണുന്നത് വിശ്വാസയോഗ്യത തന്നെയാണ്. വന്‍വിജയമായിരുന്നുവെന്ന് തോന്നിയ പലസ്ഥാപനങ്ങളും പിന്നീടൊരു സാമൂഹികദുരന്തമായി മാറിയതിനുപിന്നില്‍ ആയൊരു മൂല്യരാഹിത്യമാണ്. ആര്‍തര്‍ ആന്‍ഡേഴ്‌സന്റെയും എന്‍റോണിന്റെയും പതനം നാം കണ്ടു. അവരിലുള്ള വിശ്വാസം ജനതയ്ക്ക് നഷ്ടപ്പെട്ടു.
ഹിന്ദുസ്ഥാന്‍ ലിവറിന്റെ മുന്‍ചെയര്‍മാന്‍ എസ്.എം. ദത്ത, മാനവികമൂല്യങ്ങളെ ധര്‍മമായാണ് കണ്ടിരുന്നത്. പൗരാണികമായ പദമാണ് 'ധര്‍മ'. എല്ലാറ്റിനെയും കൂടിച്ചേര്‍ത്തുനിര്‍ത്തുന്നത് എന്നര്‍ഥം വരുന്ന സംസ്‌കൃതപദം. ജനതയെ ഒന്നായി ചേര്‍ത്തുനിര്‍ത്തുന്നതാണ് മൂല്യങ്ങള്‍ എന്ന് സാരം. അതൊരു അടിസ്ഥാനതത്ത്വവും സാമൂഹിക ദര്‍ശനവുമാണ്. ധര്‍മം നശിക്കുമ്പോള്‍ സമൂഹവും നാശോന്മുഖമാവുന്നു. കാഴ്ചയില്ലാത്ത സമൂഹത്തിന്റെ കണ്ണുകളാകേണ്ടവരാണ് നേതാക്കള്‍. സമൂഹത്തിന് ദിശാബോധം പകരുകയാണ് നേതാക്കളുടെ ദൗത്യം. അതിന് നേതാക്കളെ പ്രാപ്തരാക്കുന്നത് ധര്‍മചിന്തകളിലൂന്നിയുള്ള പ്രവര്‍ത്തനങ്ങളാണ്.
കാണപ്പെടാത്തതും അമൂല്യവുമായ സമ്പത്താണ് മൂല്യങ്ങള്‍. രാജ്യതന്ത്രമായാലും വാണിജ്യതന്ത്രമായാലും ധര്‍മത്തില്‍ അടിയുറച്ചായിരിക്കണം പ്രയാണം. ഏതൊരു മാനവസമൂഹത്തിന്റെയും വിശ്വദര്‍ശനംതന്നെ കാലാകാലങ്ങളായുള്ള മൂല്യങ്ങളെ ആശ്രയിച്ചിരിക്കും. സമൂഹത്തിന്റെ ബ്ലൂപ്രിന്റിനെ തന്നെ നിര്‍ണയിക്കുന്ന, സാംസ്‌കാരിക ഡി.എന്‍.എ.യാണ് മൂല്യങ്ങള്‍.
സോണി കോര്‍പ്പറേഷന്റെ പ്രഖ്യാപിതലക്ഷ്യം നോക്കുക. 'സോണി ലോകത്തെ മുഴുവന്‍ സേവിക്കാന്‍ ആഗ്രഹിക്കുന്നു. ആ ലക്ഷ്യസാക്ഷാത്കാരത്തിനായി അജ്ഞാതമായതിനെ കമ്പനി നിരന്തരം അന്വേഷിച്ചുകൊണ്ടേയിരിക്കും'. അടിസ്ഥാനലക്ഷ്യം ലോകത്തെ സേവിക്കുക, അതാവട്ടെ നിരന്തര കണ്ടുപിടിത്തങ്ങളിലൂടെയും. 1996-ല്‍ മാത്രം 5000 പുത്തന്‍ ഉത്പന്നങ്ങള്‍ വിപണിയിലെത്തിച്ചുകൊണ്ടാണ് ആ പ്രഖ്യാപിത ലക്ഷ്യങ്ങള്‍ സോണി യാഥാര്‍ഥ്യമാക്കിയത്. - ദേബശിഷ് ചാറ്റര്‍ജി
കടപ്പാട് :- മാത്രുഭൂമി ദിനപത്രം
''ഞാനന്ന് വിമാനത്താവളത്തില്‍ ബാഗേജ് ക്ലിയറന്‍സിനായി കാത്തുനില്ക്കുകയായിരുന്നു. സാധാരണയായി വളരെ സാവധാനംമാത്രം നടക്കുന്ന ഒരു പ്രക്രിയ. അവിടം വിട്ടുപോവുന്നതിന് മുന്നേതന്നെ യാത്രികന്റെ ബാഗിലെന്താണെന്നറിയാന്‍ കസ്റ്റംസ് ഉദ്യോഗസ്ഥരുടെ പരിശോധനയുണ്ടാവും. ഒരാള്‍ എന്റെ ബാഗ് പരിശോധിക്കാനെത്തി. ഞാനെന്തു ചെയ്യുന്നു എന്നദ്ദേഹം ആരാഞ്ഞു. ടാറ്റയിലായിരുന്നു എന്നുമാത്രം മറുപടി പറഞ്ഞു. അദ്ദേഹം എന്നോട് കൂടുതലൊന്നും ചോദിച്ചില്ല. കടന്നുപോവാന്‍ അനുവദിച്ചു''.
ഒരു ബ്രാന്‍ഡ് ഉണ്ടാക്കിയെടുക്കുന്ന വിശ്വാസ്യതയുടെ വലിയ തെളിവാണ് ആ ചെറിയൊരു കാര്യം. അദ്ദേഹത്തിന്റെ ഭാഷയില്‍ ഒരു ബിസിനസ്സിന്റെ വിജയം നിര്‍ണയിക്കുന്നത് സമൂഹത്തിന് ആ ബിസിനസ്സുകാരനിലുള്ള വിശ്വാസമാണ്. 'ചെരിപ്പെങ്കില്‍ ബാറ്റ, ജോലിയെങ്കില്‍ ടാറ്റ' എന്ന് പലരും ഒരുകാലത്ത് പാടിനടന്നിരുന്നതും അദ്ദേഹം സ്മരിച്ചു.
ദീര്‍ഘകാലമായിവേണ്ട വാണിജ്യ-വ്യാവസായിക വിജയത്തിന്റെ ചേരുവയിലെ ഏറ്റവും പ്രധാനഘടകമായി അദ്ദേഹം കാണുന്നത് വിശ്വാസയോഗ്യത തന്നെയാണ്. വന്‍വിജയമായിരുന്നുവെന്ന് തോന്നിയ പലസ്ഥാപനങ്ങളും പിന്നീടൊരു സാമൂഹികദുരന്തമായി മാറിയതിനുപിന്നില്‍ ആയൊരു മൂല്യരാഹിത്യമാണ്. ആര്‍തര്‍ ആന്‍ഡേഴ്‌സന്റെയും എന്‍റോണിന്റെയും പതനം നാം കണ്ടു. അവരിലുള്ള വിശ്വാസം ജനതയ്ക്ക് നഷ്ടപ്പെട്ടു.
ഹിന്ദുസ്ഥാന്‍ ലിവറിന്റെ മുന്‍ചെയര്‍മാന്‍ എസ്.എം. ദത്ത, മാനവികമൂല്യങ്ങളെ ധര്‍മമായാണ് കണ്ടിരുന്നത്. പൗരാണികമായ പദമാണ് 'ധര്‍മ'. എല്ലാറ്റിനെയും കൂടിച്ചേര്‍ത്തുനിര്‍ത്തുന്നത് എന്നര്‍ഥം വരുന്ന സംസ്‌കൃതപദം. ജനതയെ ഒന്നായി ചേര്‍ത്തുനിര്‍ത്തുന്നതാണ് മൂല്യങ്ങള്‍ എന്ന് സാരം. അതൊരു അടിസ്ഥാനതത്ത്വവും സാമൂഹിക ദര്‍ശനവുമാണ്. ധര്‍മം നശിക്കുമ്പോള്‍ സമൂഹവും നാശോന്മുഖമാവുന്നു. കാഴ്ചയില്ലാത്ത സമൂഹത്തിന്റെ കണ്ണുകളാകേണ്ടവരാണ് നേതാക്കള്‍. സമൂഹത്തിന് ദിശാബോധം പകരുകയാണ് നേതാക്കളുടെ ദൗത്യം. അതിന് നേതാക്കളെ പ്രാപ്തരാക്കുന്നത് ധര്‍മചിന്തകളിലൂന്നിയുള്ള പ്രവര്‍ത്തനങ്ങളാണ്.
കാണപ്പെടാത്തതും അമൂല്യവുമായ സമ്പത്താണ് മൂല്യങ്ങള്‍. രാജ്യതന്ത്രമായാലും വാണിജ്യതന്ത്രമായാലും ധര്‍മത്തില്‍ അടിയുറച്ചായിരിക്കണം പ്രയാണം. ഏതൊരു മാനവസമൂഹത്തിന്റെയും വിശ്വദര്‍ശനംതന്നെ കാലാകാലങ്ങളായുള്ള മൂല്യങ്ങളെ ആശ്രയിച്ചിരിക്കും. സമൂഹത്തിന്റെ ബ്ലൂപ്രിന്റിനെ തന്നെ നിര്‍ണയിക്കുന്ന, സാംസ്‌കാരിക ഡി.എന്‍.എ.യാണ് മൂല്യങ്ങള്‍.
സോണി കോര്‍പ്പറേഷന്റെ പ്രഖ്യാപിതലക്ഷ്യം നോക്കുക. 'സോണി ലോകത്തെ മുഴുവന്‍ സേവിക്കാന്‍ ആഗ്രഹിക്കുന്നു. ആ ലക്ഷ്യസാക്ഷാത്കാരത്തിനായി അജ്ഞാതമായതിനെ കമ്പനി നിരന്തരം അന്വേഷിച്ചുകൊണ്ടേയിരിക്കും'. അടിസ്ഥാനലക്ഷ്യം ലോകത്തെ സേവിക്കുക, അതാവട്ടെ നിരന്തര കണ്ടുപിടിത്തങ്ങളിലൂടെയും. 1996-ല്‍ മാത്രം 5000 പുത്തന്‍ ഉത്പന്നങ്ങള്‍ വിപണിയിലെത്തിച്ചുകൊണ്ടാണ് ആ പ്രഖ്യാപിത ലക്ഷ്യങ്ങള്‍ സോണി യാഥാര്‍ഥ്യമാക്കിയത്. - ദേബശിഷ് ചാറ്റര്‍ജി
കടപ്പാട് :- മാത്രുഭൂമി ദിനപത്രം