പല മേഖലകളിലും തലപ്പത്ത് വിരാജിക്കുന്ന പുതുമുഖങ്ങള് കൂടുതല് പ്രതീക്ഷയ്ക്ക് വകനല്കുന്നു. പഴയതുപോലെ ദുസ്സഹമായ നിലപാടുകളില്ല, ആചാരാനുഷ്ഠാനങ്ങളും ഔപചാരികതകളുമില്ല. യു.എസ്സിലെ മൂന്ന് സര്വകലാശാലകള്ക്ക് നേതൃത്വം നല്കുന്ന വനിതാ പ്രസിഡന്റുമാരെ പരിചയപ്പെടാം. ഹാര്വാഡ് സര്വകലാശാലയുടെ ആദ്യ വനിതാ പ്രസിഡന്റ് ഡ്രൂ ഫോസ്റ്റാണ് ഒരാള്. വിഖ്യാതമായ എം.ഐ.ടി.യുടെ ആദ്യ വനിതാ പ്രസിഡന്റും ആ സ്ഥാനം അലങ്കരിച്ച ആദ്യ ലൈഫ് സയന്റിസ്റ്റുമായ സൂസണ് ഹോക്ക്ഫീല്ഡാണ് വേറൊരാള്. മറ്റൊരാള് നമ്മുടെ സ്വന്തം രേണു ഖടോര് - ഹൂസ്റ്റണ് സര്വകലാശാലയുടെ ചാന്സലറും പ്രസിഡന്റുമായ ആദ്യ ഇന്ത്യന് വംശജ.ലിബറല് എജ്യുക്കേഷന്റെ ശക്തയായ വക്താവാണ് ഡ്രൂ ഫോസ്റ്റ്. പ്രവചനാതീതമെന്നുതോന്നിയ സാമ്പത്തികമാന്ദ്യം പോലുള്ളവ നമ്മെ മാറ്റിത്തീര്ക്കുമ്പോള് ഡ്രൂ ഫോസ്റ്റിന്റെ ഹാര്വാഡ് മാനവികമായ അന്വേഷണങ്ങളുടെയും ലിബറല് ആര്ട്സിന്റെയും പഴയ പാരമ്പര്യത്തിന് കാതോര്ക്കുകയായിരുന്നു. ഉന്നതവിദ്യാഭ്യാസത്തിന്റെ മാറുന്ന മുഖത്തിന്റെ പ്രതീകം തന്നെയായിരുന്നു സൂസന് ഹോക്ക്ഫീല്ഡ്. വിദ്യാഭ്യാസരംഗത്തെ പ്രശ്നങ്ങളെ ഇഴകീറി പരിശോധിക്കാതെ എല്ലാറ്റിനെയും സമ...