ഗ്രഹനില അപകടത്തിലായി ലൈംഗികാപവാദങ്ങളുടെ ചുഴിയില്‍പ്പെടുന്ന സ്വാമിമാരുടെ എണ്ണം കൂടിക്കൊണ്ടിരിക്കുകയാണ്. മുപ്പതുകളിലുള്ള സ്വാമി നടിമാരോടൊപ്പം കാമലീലകളാടി മാധ്യമങ്ങളില്‍ നിറഞ്ഞുനിന്നതും ഭക്തര്‍ ഉറഞ്ഞുതുള്ളിയതും നാം കണ്ടു. സ്വാമി എന്ന പദത്തിന്റെ അര്‍ഥംതന്നെ യജമാനന്‍ എന്നാണ്, മറ്റാരുടെയുമല്ല സ്വന്തം ഇന്ദ്രിയങ്ങളുടെ യജമാനന്‍. ഹോര്‍മോണുകളുടെ ചോദനകള്‍ താളംപിടിക്കുന്ന മനസ്സിന്റെ ഉടമകളല്ല സന്ന്യാസിമാര്‍. കാമമോചിതനായ സന്ന്യാസിയല്ലായിരുന്നുവെങ്കില്‍ അത് ഒരു കുറ്റമേ ആവുകയില്ലായിരുന്നു. ഒരഭൗമമായ ദൈവസൃഷ്ടിയെന്നോണം ഭയഭക്ത്യാദരവുകളോടെയാണ് സന്ന്യാസിമാരെ സമൂഹം നോക്കിക്കാണുന്നത്. എണ്‍പതുകളിലുള്ള ഒരു സ്വാമിയുടെ ആശ്രമം ജയിലായത് നാം കണ്ടതാണ്. സന്ന്യാസിസങ്കല്പവും സമീപകാല സംഭവങ്ങളും കൂട്ടിവായിക്കുമ്പോള്‍ സന്ന്യാസിമാരുടെ സൃഷ്ടിവേളയില്‍ ദൈവത്തിന്റെ അടയാത്ത കണ്ണുകള്‍ ഒരിടത്ത് പതിയാതെപോയെന്ന് സംശയിച്ചുപോയേക്കാം. മോക്ഷത്തിന്റെ പാതയില്‍ ലൈംഗികസാഹസങ്ങള്‍ക്ക് യാതൊരു റോളുമില്ല. എങ്കിലും പ്രകൃതി ഒരു മുപ്പതുകാരനെ രൂപകല്പനചെയ്യുന്നത് ഒരു അജന്‍ഡ വെച്ചാണ് - മനുഷ്യരാശിയുടെ പ്രജനനവും പ്രചരണവും. സെക്‌സിന്റെ പ്ര...
വിജയത്തിലേക്ക് ഒരു വഴിത്താര